الاستاذ ،،،فيس بوك ،،الملعون
مجتمعنا كله مشاكل ،،بتحاصرنا من كل اتجاه
نصرخ نبكي من اللي حاصل ولا حد يعرف منتهاه
تويتر وفيس وواتس آب
والكل في الهم والعذاب
كل واحد في الاسره لاهي
ماسك تليفونه وهو ساهي
لا حد يساعد ولا حد ينفع
فاتحين الاغاني والكل بسمع
والأم سايبه امور بيتها ،،،تتكلم علي الخاص مع جارتها
والاب ناسي عمره الكبير،،،،فاتح الفيس وللحلوه اسير
يقول ياعمري انابموت فيكي،،،عاوز اتغزل كتير في عنيكي
وهي فاكره انه شباب،،،فرحانه بيه وفتح له الباب
ولما عرفت انه كبير،،،،عملت بلوك بدون تفكير
والراجل يبكي زي الصغير،،،ويقول ياخساره انا بحبها كتير
وبنته الكبيره نايمه علي سريرها،،والموبايل شغال علي طول في ايدها
وتحكي علي المكشوف مع صديقها
ويطلع صديقها اخوها الكبير،،حاطط صوره لواحد أمير
وهي هايمه في حلم وردي،،،وتقول أمتي ياتري هيطلب ودي
والاسره كلها في سكه تايهه،،،ولاحد يعرف إلي فين مجالها
عايشين في بيت كانه سيما،،،ولاحد منهم عليه القيمه
والسبب كله في فيس مكير،،،،،قلب حياتهم الي هم مرير
فين الاسره واللمه الحلوه،،فين الضخكه والحب بذمه
تحول الصالح الي طالح،،وبعدوا عن الدين وفضلوا المصالح
ربنا يلعن السوشيال ميديا كمان وكمان،،،مااحلي البساطه ايام زمان
بقلمي رجاء عبد الرازق
ليست هناك تعليقات:
إرسال تعليق